عرس جيم غولدبرغ ومالَني بعيني ابنة أخي ميشال 6/10/2012
فرحان قلبي كتير يا بيي
ويا بترونلّه زلغطي شويّه
لأعلى سما رح وصّل الأخبار
اليوم عم تفرح بنت خيي
من بيتنا طلعت شمس نوّار
محيت عتم غلغل بِعينيّي
ضوّت البيت وشعّت الأنوارْ
ومتل العرس كانت الليليِّه
ميشال بيّا ضحكتو قنطار
كبيرة بناتو.. فرحتا بميّه
غفيت ع صدرو ليل يطوي نهار
ويسمّعا تا تنام غنيّه
وإمّا تراز الـ لفّتا بزنار
كلّو رضا وزخّات حنيّه
بدموعها سقيت تْلّتّ أزهار
وردات شو وردات جوريّه
تايرا.. بريسلاّ.. ومالَني.. محتار
كيف النجوم تجمّعوا سْوِيّه
يا مالَني.. يا بنت ناس كبار
يا تاركه أحلى مزهريّه
دجيمي عرف أيّا بنت يختار
تا يعيش عمرو بِـ صفا نيّه
ابن الأوادم.. لو زمانو دار
رح تحرسو عزّه إلهيّه
حبّيه طول العمر.. خلّي الدار
تتزيّن بضحكه سماويّه
كرمالكن عم بكتب الأشعار
وكرمالكن سيدني ومالبون هون
تا يفرحوا بزهره.. بعينيّه
**
